Наурызбай ауданында биыл абаттандыру мен қалалық ортаны дамытуға байланысты үлкен жоба жүзеге асады. Бұл туралы аудан әкімі Назира Тоғызбаева Өңірлік коммуникациялар қызметінде хабарлап айтты, – деп хабарлайды aqshamnews.kz тілшісі.
«Халық қатысатын бюджет» бағдарламасы аясында жалпы сомасы 2,5 млрд теңге болатын 35 жоба жоспарланған екен. Олардың қатарында балалар мен спорт алаңын салу, жарықтандыру, тротуарлар жасау, арық жүйелерін жүргізу, көгалдандыру мен аулаларды абаттандыру жұмысы да бар.
Тастыбұлақ өзенінің жағалауын да абаттандыра бастады. Мұнда ұзындығы 1,4 шақырым болатын осы заманғы серуендейтін аймақ салынады. Жобаны 2026 жылдың желтоқсанында аяқтауды жоспарлап отыр.
Бұдан бөлек, биыл 38 ауланы жөндеу жұмысы да басталды. Былтыр аудан аумағындағы 57 тұрғын үй ауласы жаңарып, абаттаныпты.
Бұл кешенді іс-шаралар жайлы қалалық орта қалыптастырып, тұрғындардың өмір сапасын арттыруға бағытталған.