Ол Алматының Наурызбай ауданындағы жеке секторда орналасқан.
Жеке тұрғын үйдің ауласынан қарасора егіні анықталды, деп хабарлайды almaty-akshamy.kz Polisia.kz-ке сілтеме жасап.
Топырақтан құрамында есірткі бар өсімдіктің 14 егілген бұтасы алынды.
Сонымен қатар, жазғы верандадан пластик бөтелкелерден, қолдан жасалған 2 шылым шегетін құрал тәркіленді. Моншадан құрамында ерекше иісі бар өсімдік тектес заты бар үш пластик байлам табылды және тәркіленді. Сондай-ақ үйдің бірінші қабатындағы бір бөлме есірткілік өсімдіктерді өсіруге арналғандығы анықталды, одан 9 түп бұта табылып, тәркіленді.
– Аталған дерек бойынша сот-химиялық сараптама тағайындалды. Қылмыстық іс қозғалды, — деді Алматы қалалық ПД есірткі қылмысына қарсы күрес Басқармасының бастығы Мұрат Жұмабай.
Қазақстан ҚР ҚК-нің 201 бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.
Ақпарат көзі Polisia.kz сайтында: https://polisia.kz/almatynyng-zheke-sektorynda-fitolaboratoriya-anyqtaldy/