Референдум күні алматылық жастар әлеуметтік желілерде басталған онлайн челленджге белсенді қатысты. Студенттер, еріктілер және белсенді қолданушылар дауыс беру учаскелерінен қысқа бейнелер, стористер мен жазбалар жариялап, маңызды оқиғаға қатысу барысындағы әсерін бөлісті, – деп хабарлайды aqshamnews.kz тілшісі.
Челленджге қатысушылар учаскеге қалай келгенін көрсетіп, азаматтық ұстаным білдірудің маңызын айтып, эстафетаны достары мен жазылушыларына жолдады. Жарияланымдарда #МенДауысБердім, #ЕлімҮшінТаңдау және #РеферендумғаБардым хэштегтері қолданылып, пайдаланушыларды бүгінгі күннің басты тақырыбы төңірегінде біріктірді.
Осы челлендж арқылы жастар өздерінің азаматтық белсенділігін көрсетіп, қоғамдық талқылауды цифрлық кеңістікке де шығарды. Бұл күні әлеуметтік желілер жас алматылықтардың дауыс беруге қатысу тәжірибесімен бөлісіп, бір-бірін белсенді болуға және елдің болашағына бейжай қарамауға шақыратын алаңға айналды.