Алматы Орталық қалалық клиникалық ауруханасының травматологы Дәулет Чукманов 1969 жылы туған науқасқа оң жамбас мойнының эндопротездеу отасын сәтті жасап шықты.
Бұл ота 1994 жылы жамбас мойнының сынуынан туындаған аяқтағы мәселені шешіп берді, деп хабарлайды Almaty-akshamy.kz.
Науқас шамамен 30 жыл бұрын жамбас мойнын сындырып алған. Салдарынан оң аяғы10 см-ге қысқарған Уақтылы хирургиялық ота жасалмаудың салдарынан аяқ уақыт өте келе қысқарып, науқастың өмір сүру сапасын едәуір нашарлатып, созылмалы ауырсынуды тудырды және қозғалысты шектеді.
Ота кезінде науқасқа жамбас буынының жалпы эндопротезі орнатылды.
1,5 сағаттық ота кезінде травматологтар аяқты қалыпты ұзындыққа қайтарып, буынның жұмысын қалпына келтіре алды.
Эндопротездеу - маманның мол тәжірибесі мен шеберлігін қажет ететін күрделі және жоғары технологиялық процедура.
"Ота сәтті өтті, науқас қалпына келу процесін бастады. Аяқтың ұзаруы және эндопротезді орнату оның қозғалғыштығы мен өмір сүру сапасын едәуір жақсартты және қалыпты физикалық белсенділікке оралуға және созылмалы ауырсынудан арылуға мүмкіндік берді", - деп атап өтті Дәулет Чукманов.
Есіңізге сала кетейік, Орталық қалалық клиникалық ауруханада жамбас буындарын эндопротездеу бойынша ота жүргізіледі.