Мегаполистегі инженерлік-технологиялық университеттердің бірінде оқытушылар мен студенттердің қатысуымен кездесу өтті, Жиында қатысушыларды 6 қазанда өтетін референдумға белсенді қатысуға шақырды, деп хабарлайды aqshamnews.kz
Шақырылған спикерлер жиналғандарға референдумның маңызды демократиялық құрал екендігін айтып, азаматтарға ел болашағына әсер ететін маңызды мәселелер бойынша өз пікірін білдіруге мүмкіндік беретінін түсіндірді. Сондай-ақ, АЭС салудың әлемдік тәжірибе екендігі және басқа елдерде энергетикалық қауіпсіздікті қамтамасыз ету үшін кеңінен қолданылып жүргені атап өтілді.
"Меніңше, референдум – әр азаматқа өз пікірін білдіруге мүмкіндік беретін маңызды механизм. Бұл шешім қабылдау процесінің ашықтығын қамтамасыз етеді. Баршаңызды референдумға белсенді қатысуға шақырамын, бұл еліміздің болашағы үшін өте маңызды. Заманауи қорғаныс технологиялары АЭС-ті адамдар мен қоршаған орта үшін қауіпсіз етеді. Мысалы, Франция, АҚШ, Қытай бейбіт атом энергиясын сәтті қолданып отыр," – деді AMANAT партиясының Бостандық аудандық филиалының төрағасы Сабен Танышқали.
Өз кезегінде үшінші курс студенті Жанар Мусина жастардың ел болашағы осындай жаһандық шешімдерге байланысты екенін түсінуі керектігін айтты.
"Біз үшін процестің ашықтығы маңызды, және дәл қазір біз үлкен жауапкершілікті сезінудеміз. Бұл мәселеге байыппен қарап, өз таңдауымызды жасамас бұрын барлық аспектілерді мұқият зерттеуіміз керек," – деді ол.