Алматыда журналистика факультетінде оқитын студенттер арасында байқау жарияланды.
Алматы қаласының Өңірлік коммуникациялар қызметі «Алматы: арман мен шығармашылық қаласы» тақырыбына арналған үздік фото және бейнематериалдар байқауына қатысуға шақырады.
Бұл байқаудың мақсаты – дарынды студенттерді анықтап, қолдау көрсетіп, сондай-ақ болашақ журналистер мен медиа-мамандардың кәсіби тұрғыда дамуына сеп болу.
Байқауға қабылданатын жұмыстар:
Материалдар қазақ және орыс тілдерінде қабылданады.
- Фотосерия немесе жеке сурет – қаланың өмірі, тұрғындары мен оқиғалар туралы кадрлар (бір серияда 10 кадрға дейін немесе бір жоғары сапалы фото).
- Бейнесюжет немесе қысқаметражды видео – оқиғаны динамикада баяндау (ұзақтығы 2 минутқа дейін).
- Репортаж – оқиғаны атмосферасымен жеткізу.
- Шығармашылық ролик немесе бейнекөрініс – қалаға көркем көзқарас.
Талаптар:
- Жұмыс түпнұсқа әрі автордың жеке жұмысы болуға тиіс.
- Тақырып – әлеуметтік маңызы бар, өзекті немесе қала өмірімен байланысты болуы керек.
- Фото – JPEG/PNG форматында (жоғары сапада).
- Видео – MP4 форматында, ұзақтығы 2 минутқа дейін.
Бағалау критерийлері:
1. Тақырыптың өзектілігі
2. Визуалды орындалу сапасы
3. Кәсіби деңгейі (монтаж, композиция, кадр)
4. Шығармашылық көзқарас және идеяның түпнұсқалығы
Қатысу шарттары:
- Үміткерлер – Алматыдағы университеттердегі журналистика факультетінің студенттері.
- Байқау комиссиясы түскен жұмыстарды 10 номинация бойынша бағалайды:
1. Алматы бейнелері – қаланың тұрғындары туралы үздік фото немесе бейнематериал
2. Қозғалыстағы қала – көлік, урбанистика және Алматының дамуы
3. Мәдени Алматы – оқиғалар, өнер мен шығармашылық өмір
4. Алматы жастары – студенттік өмір мен жастардың бастамасы
5. Спортты қала – спорт, жетістіктер және бұқаралық іс-шаралар
6. Көкке оранған қала – табиғат пен экологиялық жобалар
7. Тарих пен жад – мұра, дәстүрлер мен ескерткіштер
8. Алматыдағы туризм – туризм мен қонақжай қала туралы
9. Болашақ қаласы – инновациялар, арман мен даму перспективалары
10. Көшенің үні – қаланың аудандары мен тұрғындарының күнделікті өмірі
Маңызды:
• Жұмыстар міндетті түрде авторлық болуға тиіс.
• Жасанды интеллект көмегімен жасалған немесе басқа дереккөздерден алынған материалдар қабылданбайды.
• Фото мен бейнематериалдар Telegram арқылы мына нөмірге жіберілуі тиіс: 8 701 993 11 13
Қорытынды марапаттау рәсімі: 2025 жылғы 17 қыркүйекте Алматы қаласында өтеді.
Жұмыстарды қабылдау мерзімі: 2025 жылғы 15 қыркүйекке дейін.