Алматылық спортшы Әділет Шері Өзбекстан астанасы Ташкентте өткен жасөспірімдер арасындағы таэквондодан (WT) әлем чемпионатында қола жүлдегер атанды, – деп хабарлайды aqshamnews.kz тілшісі.
Алматы қаласы Спорт басқармасы өкілдерінің мәліметінше, спортшы 51 келіге дейінгі салмақ дәрежесінде сынға түсіп, жарыстың соңғы күнінде ұлттық құрама қоржынына жүлде салды.
Жартылай финалда Әділет Шері Тунис өкілімен кездесті.
Басқарма мамандарының айтуынша, әлем чемпионатының қорытындысы бойынша алматылық спортшылар екі қола медаль иеленді, ал Қазақстан құрамасының қоржынында бес жүлде бар.
Ұйымдастырушылардың мәліметіне сәйкес, чемпионатқа әлемнің 119 елінен шамамен 1000 спортшы қатысты.