Әйел жүктіліктің 12 аптасына дейін тіркелуі керек.
Алматы қаласының №11 Қалалық емханасының әйелдер кеңесі бөлімінің акушер-гинекологы Камила Абайділдаева жүкті әйелдерге жүктілікті басқару алгоритмі, оның ішінде скринингтік тексеруден өту қажеттілігі туралы айтып берді, деп хабарлайды Almaty-akshamy.kz
Маман атап өткендей, әйел жүктіліктің 12 аптасына дейін тіркелуі керек. Бұл ультрадыбыстық және гормондарға веноздық қанның биохимиялық талдауынан тұратын 12 аптада өткізілетін бірінші скрининг ұрықта Даун синдромы сияқты тұқым қуалайтын патологиялардың дамуының генетикалық қаупін бағалау үшін жасалады, сонымен қатар туылмаған нәрестенің денсаулығына және жүктіліктің нәтижесіне әсер ететін факторларды анықтайды. Барлық генетикалық ауытқулар дәл осы кезеңде, 13 апта және алты күннен кешіктірмей анықталады.
Сондай-ақ, тіркеу кезінде жүкті әйел барлық тексерулерден өтеді: жалпы зәр талдауы, жүкті әйелдер үшін қан тобы міндетті, мерез жұкпасына, АИТВ, В және С гепатиті инфекцияларына қан талдауы алынады. Осы талдаулардың кез келгеніне оң нәтиже болған жағдайда, дәрігердің кеңесі қажет. Процестің кезеңін нақтылау үшін қосымша зерттеулер жүргізу қажет болуы мүмкін. 16 аптада – әйел тексеруге келеді.
Әйелге екінші скрининг жүктіліктің 19-20 аптасында өтеді.
Осы кезеңде ұрықтың даму ақаулары анықталады, мысалы, жүрек ауруы, несеп-жыныс жүйесі, асқазан-ішек жолдары, өкінішке орай, өмірге сәйкес келмейтін ақаулар бар. Соңғы жағдайда босану, яғни жүктілікті тоқтату мәселесі туындайды.
Келесі бақылау 24-25 аптада.
«Осылайша, айына бір рет әйел адам тексерілуге келеді. Бұл бізге ұрықтың қалыпты дамып келе жатқанын анықтауға мүмкіндік береді, ол белгіленген мерзімге сәйкес келуін, жүрек соғысы естілуі және де ұрықтың қозғалысына сынақ жүргізіледі. Көрсеткіштерге сәйкес, 34 аптадан кейін ұрықтың КТГ жасаймыз, бұл ұрықтың жағдайын жүрек соғысының сипаты бойынша бағалаудың заманауи әдісі», - дейді Камила Абайділдаева.
Үшінші скрининг 30 аптадан кейін жүзеге асырылады, мұнда басты назар судың мөлшеріне, атап айтқанда судың көптігі немесе судың аздығы назарға алынады.
«Жүктіліктің 20-шы аптасында қойылған кейбір диагноздар, мысалы, бала жолдасының дұрыс орналаспауы, яғни жақсы дамуы мүмкін екенін атап өткім келеді. Барлығына белгілі, бала жолдасы дұрыс орналаспаған жағдайда, әйелді кесарь тілігі жасауға дайындайды, өйткені қан кету қаупі бар. Егер 30 аптада бұл диагноз қайталанбаса, сәйкесінше бұл диагноз жойылады және босану әдісі де өзгереді», - деп түйіндеді маман.