Жақында Алматы колледждерінің құрама командасы студенттері Астанадан оралды. Олар WorldSkills Almaty тарихында алғаш рет «WorldSkills Kazakhstan 2025» X Республикалық чемпионатында бірінші орынға ие болды. Бұл мерекелік, ел үшін шешуші кәсіптік шеберлік турнирінде Алматы құрамасын WorldSkills Kazakhstan техникалық делегаты, Алматы көпсалалы колледжінің директоры Асылхан Бейсетбаев басқарды.
– Асылхан Қосылханұлы, сіз WorldSkills Almaty аймақтық кезеңінде эксперт қауымдастығына бірнеше жыл басшылық жасап келесіз, қаланы республикалық деңгейде ұсынасыз және чемпионаттың ерекшеліктерін жақсы білесіз. Алматы студенттері жеңіске қалай жетті?
WorldSkills Kazakhstan 2025 «Жұмысшы кәсіптер жылының» ең маңызды оқиғаларының біріне айналды. Бұл тек жарыс ғана емес, сонымен қатар жұмысшы мамандықтар беделін арттыруға, жастардың өз болашағына деген сенімділігін нығайтуға, сондай-ақ кадрларды даярлау жүйесі, бизнес пен мемлекет арасындағы әріптестікті дамытуға бағытталған маңызды коммуникациялық алаң болды.
Бұл жылы 53 алтын, 55 күміс және 59 қола медаль, сондай-ақ 213 «Ерекше табыстары үшін» медальоны таратылды. Айта кетейік, жеңімпаздар 2026 жылдың қыркүйегінде Шанхайда (ҚХР) өтетін әлем чемпионатына іріктеуге қатысады. Мұндай турнирлер Қазақстанда шынайы кәсіпқойлар ұрпағы өсіп келе жатқанын, ал жұмысшы мамандығы құрметке, сұранысқа және жаңа мүмкіндіктерге жол ашатынын көрсетеді.
Алматы қаласы 60 ұпай жинап, жалпы командалық есепте бірінші орынға ие болды. Біздің құрамамыздың активінде – 5 алтын, 5 күміс, 3 қола медаль және 19 үздік медальоны бар.
Бұл жетістік жүйелі, кешенді дайындықтың нәтижесі болды. Алматы қаласы Білім басқармасының жақсы үйлестіруі, эксперт-компатриоттардың жоғары деңгейдегі дайындығы, колледждердегі практикаға бағытталған оқыту, жарысушылардың мақсаттылығы мен еңбексүйгіштігі, WSA Техникалық комитетінің қолдауы үлкен рөл атқарды. Біз студенттердің кәсіптік даярлық деңгейінің айтарлықтай өскенін байқаймыз. Жыл сайын қатысушылар санының өсуі мен құзыреттердің кеңеюі WorldSkills қозғалысына деген қызығушылықтың артып келе жатқанын растайды.
– Жеңімпаздар мен жүлдегерлердің аттарын атай аласыз ба?
Соңғы 4 жыл бойы біздің құрама тұрақты түрде 2-орында болды, бұл жылы Алматы командасы басқа өңірлердің бәсекелестеріне қарағанда сенімді артықшылық танытты. Колледждер бойынша қорытынды төменде келтірілген.
Алматы мемлекеттік бизнес-колледжі
· Кристина Лаубер – алтын, «Нан өндіру ісі»
Алматы құрылыс-техникалық колледжі
· Елдос Ильяс – алтын, «Құрғақ құрылыс және сылау жұмыстары»
· Ильмурат Кәрим – күміс, «Дәнекерлеу технологиялары»
· Хакимбай Халмуратов – медальон, «Плиткамен қаптау»
· Еламан Байғожаев – медальон, «Кірпіш қалау»
· Әбдірахім Бауыржанұлы – медальон, «Сылау және әшекейлеу жұмыстары»
ALMATY POLYTECHNIC COLLEGE
· Данил Рябинушкин – алтын, «Компьютерлік ойындарды 3D-модельдеу»
· Жаслан Қасым – алтын, «Бейнемонтаж»
· Ернар Алмасұлы – күміс, «Мобильді қосымшаларды әзірлеу»
· Джалиль Кәлимов – күміс, «Веб-технологиялар»
· Денис Шаповалов – медальон, «Электроника»
· Даниил Дорошкевич, Дмитрий Енин – медальон, «Мобильді робототехника»
· Сұлтан Сұйімқұлов, Ерасыл Басымбек – медальон, «Мехатроника»
· Эфе Мут – медальон, «Прототиптеу»
· Арман Елеу – медальон, «Инженерлік сызба CAD»
· Арина Густенко – медальон, «1С платформасында бизнес-процестерді автоматтандыру»
· Азамат Садықжан – медальон, «Желілік және жүйелік әкімшілеу»
Алматы гуманитарлық-педагогикалық колледжі №2
· Арианна Солдатова – алтын, «Мектепке дейінгі тәрбие»
Алматы көпсалалы колледжі
· Абылай Серікхан – күміс, «Суыту және желдету техникасын қызмет көрсету»
Алматы қаласының инновациялық техникалық колледжі
· Ярослав Артемьев, Дамир Усманов – күміс, «Ақпараттық қауіпсіздік»
· Санжар Тұрсынбай – қола, «Бизнеске IT-шешімдер»
Алматы жолаушылар тасымалы және технологиялар колледжі
· Илья Бабоев – қола, «БАС-станоктарда фрезерлеу жұмыстары»
· Дмитрий Прокопенко – медальон, «БАС-станоктарда токарьлық жұмыстар»
· Анфиса Полушкина – медальон, «Шаштараз өнері»
Алматы телекоммуникация және машина жасау колледжі
· Андрей Борисов – қола, «АКТ желілерінің инфрақұрылымы»
Алматы автомобиль және сән индустриясы колледжі
· Карина Дуйсебаева – медальон, «Сән технологиясы»
Алматы сервис және технологиялар колледжі
· Гүлдана Әмірәлі – медальон, «Сандық модельдеу»
КАЗГАСА колледжі
· Никита Дзюба – медальон, «Визуалды мерчандайзинг және витринистика»
Алматы энергетика және электронды технологиялар колледжі
· Әділет Мұқайұлы – медальон, «Өнеркәсіптік автоматтандыру»
Туризм және мейманқонақ индустриясы колледжі
· Глеб Лушников – медальон, «Аспаздық іс»
· Зере Кентай – медальон, «Мейрамхана қызметі»
Алматы қазақ гуманитарлық-педагогикалық колледжі №1
· Аяулым Тәжіман – медальон, «Бастауыш сынып оқыту»
– Шынымен де әсерлі тізім. Мерекелік чемпионаттың тағы қандай маңызды нәтижелері болды?
Негізгі жетістіктердің бірі WSK-2025 эксперт қауымдастығының келесі «WorldSkills Kazakhstan 2026» республикалық чемпионатына бас эксперттерді тағайындау туралы шешімі болды. Алматыдан сегіз маман бұл лауазымдарға сайланды:
«Жеңіл көліктерді жөндеу және қызмет көрсету» – Таншолпан Түлендиева, Алматы көпсалалы колледжі
· «Дәнекерлеу технологиялары» – Ғани Кәдір
· «Құрғақ құрылыс және сылау жұмыстары» – Бауыржан Мұхамеджанов (екеуі де – Алматы құрылыс-техникалық колледжі)
· «Қонақ үй қабылдау қызметкері» – Ақерке Төлеген, «Әділет» колледжі
· «Инженерлік сызба CAD» – Ағызамбек Қабылбек
· «Желілік және жүйелік әкімшілеу» – Айбек Алмабекұлы
· «Компьютерлік ойындар үшін 3D-модельдеу» – Жансая Бақытбекова (үшеуі де – ALMATY POLYTECHNIC COLLEGE)
· «Мобильді қосымшаларды әзірлеу» – Аджан Серікболсын, Инновациялық-техникалық колледж
Қорытындылай келе айтарын: «WorldSkills Kazakhstan» республикалық чемпионаты жыл сайын барлық параметрлер бойынша өсу көрсетіп келеді – қатысушылардың кәсіпқойлығы, дайындық сапасы, ұйымдастыру шарттары. Мұның бәрі техникалық және кәсіптік білім беру сапасын арттыруға, алматылық мамандардың бәсекеге қабілеттілігінің өсуіне және Қазақстан экономикасының дамуына әсер етеді.
Төрт жыл бойы мен, Алматы қаласынан WorldSkills Kazakhstan техникалық делегаты ретінде, әріптесім – Алматы құрылыс-техникалық колледжінің директоры Бектұрған Ахметовпен бірге құрамамызды ел бойынша өңірлер арасында жетекші орындарға дәйекті және мақсатты түрде жылжыттық. Үш жыл қатарынан Алматы екінші орынды иеленіп, дайындықтың жоғары деңгейін, эксперттердің кәсіпқойлығын және жарысушыларымыздың мақсаттылығын растады. Ал енді мерекелік жылда және сонымен қатар ел Президенті жариялаған «Жұмысшы кәсіптер жылында» Алматы қаласының құрамасы сенімді және лайықты түрде бірінші орынды жеңіп алып, чемпионаттың сөзсіз көшбасшысына айналды.
Чемпионатты ұйымдастырушыларға: ҚР Оқу-ағарту министрлігінің «Talap» БАҚ, қала Әкімдігіне, Алматы қаласы Білім басқармасына, эксперт-компатриоттарға, тәлімгерлерге, серіктестік ұйымдарға, колледждерге және осы жетістікке қатысы бар барлық адамдарға алғысымды білдіремін. Сіздердің үлесіңіз елдің экономикалық дамуы мен жаңа индустриялық серпінінің маңызды бөлігі болып табылады.