Тәуелсіздік күніне орай Алматы халықаралық әуежайында Әскери-электроника және байланыс институтының курсанттары мен әскери оркестр патриоттық флешмоб өткізді.
Әскери музыканттар қазақтың танымал шығармаларын орындап, мерекеге ерекше көңіл-күй сыйлады, деп хабарлайды aqshamnews.kz.
Флешмоб барысында оркестр «Алматы» маршын, көпшіліктің сүйікті әні «Қазақтай ел қайда?!» және «Азия дауысы» композициясын орындады. Шараның шарықтау шегі ретінде әскери оқу орнының курсанттары орындаған «Адай» күйі көрермендердің ыстық ықыласына бөленді.
Бұл іс-шара әуежайдың жолаушылары мен қызметкерлері арасында үлкен қызығушылық тудырды. Көптеген адамдар тамсана қарап, флешмобты телефонға түсіріп, тіпті таныс әуендерге қосыла шырқады.
Флешмоб Тәуелсіздік күнінің әрбір қазақстандық үшін маңыздылығын айқындай отырып, бірлік пен патриотизмнің символына айналды.
Шара көрермендердің қошеметіне бөленіп, баршаға ұмытылмас әсер мен елге деген мақтаныш сезімін сыйлады.
