Air Astana Германияға жаңа әуе бағытын іске қосады. Әуе компаниясы Алматы — Франкфурт рейсі Астана мен Оралдан орындалатын қазіргі бағыттарды толықтыраады деп хабарлайды aqshamnews.kz .
Алғашқы рейс 2025 жылдың 1 маусымында ұшырылады. Ұшулар аптасына үш рет — сейсенбі, бейсенбі және жексенбі күндері орындалады. Бағытта Airbus A321LR ұшақтары қызмет көрсетеді. Алматыдан ұшу уақыты 01:30, Франкфуртқа келу уақыты — 06:55. Кері бағыттағы рейс Франкфурттан 08:30-да ұшып, Алматыға 18:55-те қонады.
Air Astana эконом-кластағы екі жақты билет құны 288 мың теңгеден басталатынын хабарлады. Жаңа бағыт жолаушыларға Еуропаның ірі хабтарының біріне ыңғайлы және жылдам жетуге мүмкіндік береді.