46 сынаманың 36-сы «дельта» штамы болып шықты.
Оңтүстік астанада мутацияланған штамдарды анықтау үшін 46 үлгі зерттелді. Нәтижесінде үнді штамының үлес салмағы 78,3%-ға жеткені анықталды. Бұл туралы Алматы қаласының мемлекеттік бас санитарлық дәрігері Жандарбек Бекшин айтты, деп хабарлады Almaty-akshamy.kz.
«Өткен тәулікте Алматы қаласында мутацияланған штаммдарды анықтау үшін 46 үлгі зерттелді, оның 36-сында «дельта» штамының (үнді) үлес салмағы 78,3%-ды, 8 үлгідегі «альфа» (британдық) штамының үлес салмағы 17,4%-ды құрады, яғни қоздырғыштың ауысуы орын алуда», - делінген басқарманың хабарламасында.