Алматыдағы QazaqGaz Aimaq АҚ бөлімшесінің қызметкерлері қала тұрғындарын алдағы Референдумға қатысуға шақырды, – деп хабарлайды aqshamnews.kz тілшісі.
Ұжым өкілдерінің айтуынша, газ саласы – кәсіпорындардың, әлеуметтік нысандар мен тұрғын үйлердің тұрақты жұмыс істеуін қамтамасыз ететін стратегиялық маңызы зор сала.
«Біз күн сайын мыңдаған үйге жылу беріп, қауіпсіздігіне жауапты болып отырмыз. Бүгін де азаматтық міндетімізді орындап, біріміз қалмай дауыс беруге қатысқалы жатырмыз», – деп атап өтті компания қызметкерлері.
Қызметкерлер Референдумға қатысу – әр азаматқа өз ұстанымын білдіріп, елдің болашағына үлес қосуға берілетін мүмкіндік екенін жеткізді.
«Ертеңгі күннің қандай боларына бейжай қарай алмаймыз. Баршаңызды сайлау учаскесіне келіп, таңдау жасауға шақырамыз», – деген үндеуде.
