Алматыда Белсенді ұзақ өмір сүру орталығының өкілдері ҚР Парламенті Сенатының депутаты Сұлтанбек Мәкежановпен кездесті. Кездесу барысында қатысушылар жаңа Конституция жобасы мен алдағы республикалық референдумның маңызы жөнінде пікір алмасты, – деп хабарлайды aqshamnews.kz тілшісі.
Сенатор Сұлтанбек Мәкежанов азаматтардың дауыс беруге қатысуының маңыздылығын атап өтіп, әр кезеңде ел алдында жаңа бағдарлар мен міндеттер қалыптасатынын айтты.
— Егер өткен кезең мен бүгінгі технологияларды салыстыратын болсақ, отыз жылдан астам уақыт бұрын біз пейджерді таңданыспен қолдануды үйрендік, ал бүгінде ол өткеннің белгісіне айналып, қоғамда қолданылмайды. Осындай ұқсастықтарды бұрынғы Конституция мен өзгерістер енгізілетін еліміздің Негізгі заңы арасында да келтіруге болады. Біз — бір дәуірдің куәсіміз, ал балаларымыз бен немерелеріміздің лайықты болашағы біздің таңдауымыз бен азаматтық белсенділігімізге байланысты, — деді сенатор.
Аға буын өкілдері алдағы республикалық референдумды қолдайтындарын білдіріп, маңызды мемлекеттік шешімдерді қабылдауда азаматтардың белсенді қатысуының маңыздылығын атап өтті.
Еске салайық, Мемлекет басшысының Жарлығына сәйкес Қазақстанда жаңа Конституцияны қабылдау жөніндегі республикалық референдум 15 наурызға жоспарланған.