Алматыдағы Бауыржан Момышұлы атындағы метро бекетінде республикалық референдум күніне орай қала тұрғындары мен жолаушыларға арналған әсерлі би перформансы ұйымдастырылды, – деп хабарлайды aqshamnews.kz тілшісі.
Мерекелік көңіл күй сыйлаған қойылымды «Алатау дәстүрлі өнер театрының» артистері ұсынды. Олар ұлттық нақышқа бай, жігерлі әрі динамикаға толы қазақтың халық биін орындады.
Жарқын костюмдер, ырғақты әуен мен әсерлі хореография жолаушылардың назарын бірден аударды. Қала тұрғындары мен метро қонақтары тоқтап, артистердің өнеріне қошемет көрсетті.
Күтпеген перформанс қаланың күнделікті өміріне ерекше сән беріп, жолаушыларға көтеріңкі көңіл күй сыйлады. Мұндай мәдени бастамалар алматылықтар үшін ерекше атмосфера қалыптастырып, қоғамдық оқиғаларды есте қаларлық етеді.