Қала тұрғындары бүгінгі кешті есте қаларлықтай етіп өткізуге барын салып-ақ жатыр, – деп хабарлайды aqshamnews.kz тілшісі.
Лара Рысбайды көрермендер құлақ қойып тыңдап, Димаш Дәулетов те әнімен жұртшылықтың жүрегіне жол табуға тырысты. Қала тұрғындары оларға қосылып ән айтып, би билеп, бүгінгі кешті есте қаларлықтай етіп өткізуге барын салып-ақ жатыр.
Абай алаңындағы мерекелік кеңістік музыкалық қойылымдардың орталығы ғана емес, сонымен қатар дәстүрмен де қауышатын орынға айналды осылайша. Мұнда қолөнершілер жәрмеңкесі өтіп, ұлттық әшекейден бастап сәндік бұйымдарға дейінгі дүниелерді халыққа ұсынды.
Әсіресе шеберлердің еңбегіне қала тұрғындары мен қонақтар ерекше ықылас білдіріп, әр бұйымды ұстап көріп, кейбірі тіпті ұнатқан нәрсесін бағасына қарамай сатып алып жатты.
Наурыз мерекесіне арналған мерекелік іс-шара кешке дейін жалғасады.
Алматының тұрғындары мен қонақтарды мерекеге қосылып, ән тыңдап, Әз Наурызды көппен бірге атап өтуге шақырамыз.