Жетісу көшесінің бір бөлігінде орташа жөндеу жұмыстарының жүргізілуіне байланысты қозғалысқа уақытша шектеу енгізіледі, – деп хабарлайды aqshamnews.kz тілшісі.
Осылайша, 9 маусым сағат 07:00-ден 10 маусым сағат 07:00-ге дейін Мақатаев көшесінен №49 үйге дейінгі учаскеде көлік қозғалысы толықтай жабылады.
Жөндеу жүргізілетін учаскеде ескерту жол белгілері мен мердігер ұйым басшысының байланыс деректері көрсетілген ақпараттық тақта орнатылады. Жол жүру бағытыңызды алдын ала жоспарлауыңызды сұраймыз.
Естеріңізге сала кетейік, қозғалысқа енгізілген шектеу туралы барлық ақпарат @AlmatyJoly Telegram-арнасында, әкімдіктің әлеуметтік желілеріндегі ресми парақшаларында, сондай-ақ 2GIS және «Яндекс карталар» қосымшаларында жарияланады.