Алматыда шетелдіктердің заңсыз еңбек қызметі тоқтатылды, деп хабарлайды aqshamnews.kz Polisia.kz-ке сілтеме жасап.
Алматы қаласы Түрксіб аудандық полиция басқармасы көші-қон қызметінің қызметкерлері көші-қон заңнамасын бұзуды тоқтатуға бағытталған рейдтер барысында заңсыз жұмыс істеп жүрген 15 шетел азаматын анықтады. Тексеру көрсеткендей, шетелдіктерді жөндеу жұмыстарын жүргізу үшін жеке компания жалдаған. Көші-қон режимін бұзушылардың барлығы ПД-ның қабылдап-таратуына орналастырылды. Қазіргі таңда полиция қызметкерлері шетелдік жұмыс күшін заңсыз пайдалануды ұйымдастырған жұмыс берушілерді анықтап, әкімшілік жауапкершілікке тарту жұмыстарын жалғастыруда.
"Біздің басты міндетіміз - заң талаптарының сақталуын қамтамасыз ету. Шетелдік жұмыс күшін заңсыз пайдалану заңды бұзып қана қоймай, қауіп төндіреді. Рейдтік шаралар тұрақты түрде жалғасатын болады", - деді, Түрксіб аудандық полиция басқармасының бастығы Думан Аухадиев.
Ақпарат көзі Polisia.kz сайтында: https://polisia.kz/almatyda-sheteldikterding-zangsyz-engbek-qyzmeti-toqtatyldy/