Жөндеу жұмыстарының жүргізілуіне байланысты Алаша көшесінен әл-Фараби даңғылына дейінгі учаскеде көлік қозғалысы уақытша шектелді, – деп хабарлайды aqshamnews.kz тілшісі.
Аталған аумақтарда тығыз қиыршық тас-мастикалық асфальт-бетон қоспасынан жол жабынының жоғарғы қабатын төсеу жұмыстары жүргізіледі.
Көлік қозғалысын 20 тамыз сағат 20:00-де ашу жоспарланып отыр. Жөндеу жұмыстарының мерзімі ауа райына немесе өндірістік қажеттілікке байланысты өзгеруі мүмкін.
Жол қозғалысына қатысушылардан уақытша қолайсыздыққа түсіністікпен қарап, орнатылған жол белгілерінің талабын сақтауды және балама бағыттарды алдын ала жоспарлауды сұраймыз.