Орталық қалалық клиникалық аурухана базасында Ресейден келген әріптестердің, атап айтқанда, сәулелік диагностика бөлімінің меңгерушісі Наталья Рубцованың және РФ Мәскеу қаласы ДМ «Радиология ҰМЗИ» ФГБУ филилалының П.А.Герцен атындағы КТ және МРТ бөлімшесінің рентгенолог-дәрігері Александра Гольбицтің, Ресей және ТМД бойынша МРТ GE Healthcare департаментінің медицина кеңесшісі, Тюмень қаласының рентгенолог-дәрігері Игорь Крымскойдың және басқалардың қатысуымен төрт күндік халықаралық ғылыми-тәжірибелік конференция өтті, деп хабарлайды Almaty-akshamy.kz.
Алматы қаласы Қоғамдық денсаулық сақтау басқармасы баспасөз қызметінің хабарлауынша, конференцияға Қазақстанның сәулелік диагностика дәрігерлері мен резидент дәрігерлер қатысты.
Мамандар урология және гинекология салаларында түрлі ауруы бар пациенттерді емдеудің дұрыс әдісін іріктеу, жүргізілетін зерттеу сапасының критерийлері бойынша сауалдардың кеңейтілген спектрлерін қарастырды.
«Несеп-жыныс жүйелері органдары ісіктерін диагностикалауда тиімділік көрсеткіштері бойынша магниттік-резонанстық томография және компьютерлік томография ультрадыбыстық әдістен айтарлықтай басым болып келеді. Ісіктік өскіндер, олардың қатерлі болуы, көршілес органдарға метастаздау, тіндегі өскіндер инвазиясы МРТ және КТ-да жақсы көрінеді. Аталмыш томографиялар несеп-жыныс жүйесі органдары ісіктерінің өсу сипаттамасы туралы талқылауға және кейбір жағдайларда олардың морфологиялық құрылысы туралы айтуға мүмкіндік берді. Томограммаларда ісік барысының жергілікті таралуын анықтау, соның ішінде, тамырлардың өсуі, лимфатикалық түйіршіктерге метастаздауын анықтауға болады. Кезең-кезең зерттеудің сәулелік әдістерінің қорытындыларын деректеу және зерттеу жүргізу стандарттары, жіктелуі қарастырылды. Аталған өзгерістерді білу, халықаралық мамандармен іс-тәжірибемен алмасу патологияларды диагностикалау ебін оңтайландырады. Сонымен қатар, конференция барысында басқа да аурулар бойынша туындаған сауалдар қарастырылды»,- деп бөлісті ОҚКА сәулелік диагностика бөлімшесінің меңгерушісі Алима Төремуратова.
Орталық қалалық клиникалық аурухана өз кезегінде конференцияны өткізу және ұйымдастыруда көмек көрсеткені үшін С.Д.Асфендияров атындағы ҚазҰМУ-дың «Визуалдық диагностика» кафедрасына алғысын білдіреді.