2025 жылдың 13–31 қазан аралығында Алматы қаласында экология және таза ауа тақырыбына арналған «Таза ауа – біздің болашағымыз!» / «Чистый воздух – наше будущее!» шығармашылық байқауы өтеді.
Байқаудың мақсаты – оқушылар мен олардың отбасыларының назарын қоршаған ортаны қорғау мәселелеріне аудару және Almaty Taza Aua жобасын қолдау, - деп хабарлайды Aqshamnews.kz.
Байқау екі номинация бойынша өтеді:
• 1–6 сынып оқушылары үшін — сурет салу;
• 7–11 сынып оқушылары үшін — эссе жазу.
Жұмыстар электронды түрде (фото немесе скан түрінде) мына электрондық поштаға қабылданады: almatytazaaua@gmail.com
Хатта қатысушының аты-жөні, мектебі және сыныбы көрсетілуі тиіс.
Барлық жұмыстар жобаның Instagram парақшасында жарияланады: @Almaty_Taza_Aua.
Жеңімпаздарды қазылар алқасы анықтайды. Қазылар құрамында білім басқармасы, Almaty Taza Aua жобасы, педагогикалық қауымдастық және экологиялық ұйымдардың өкілдері болады.
Ең үздік жұмыстар мектептерде және қаладағы ашық алаңдарда көрмеге қойылады. Байқау нәтижелері биылғы жылдың 3 қарашасында жарияланады.
Almaty Taza Aua жобасының мақсаты – мегаполистегі ауа сапасына саналы көзқарас пен экологиялық өмір салтын насихаттау.
