2 наурыз Алматы қаласы Ішкі саясат басқармасының Қоғамдық даму орталығының қолдауымен «Стоп сталкинг» форумы өтеді, – деп хабарлайды aqshamnews.kz тілшісі.
Іс-шараны Алматы қалалық Полиция департаментінің Қоғамдық қауіпсіздік басқармасы және Алматы қаласы полиция департаментінің профилактикалық жұмысты үйлестіру басқармасы ұйымдастырады.
Форумның мақсаты – сталкинг және некеге мәжбүрлеу әрекеттері үшін қылмыстық жауапкершілікті белгілейтін заңнамалық нормалардың енгізілуіне байланысты халықтың құқықтық сауаттылығын арттыру.
Іс-шара барысында қатысушыларға құқық қорғау тетіктері, көмекке жүгіну алгоритмдері және зардап шеккендерге көрсетілетін қолдау шаралары түсіндіріледі.
Форум аясында сарапшылардың баяндамалары, заңнаманы қолданудың практикалық аспектілерін талқылау және қатысушылармен ашық диалог өткізу жоспарланған.