Наурызбай ауданының полиция қызметкерлері бірнеше ұрлық жасаған күдіктіні ұстады.
Ол тек спорт залдарында бөтеннің мүлкін ұрлауға маманданған, деп хабарлайды Almaty-akshamy.kz Polisia.kz-ке сілтеме жасап.
«Келушінің атын жамылған жас жігіт мекемелердің киім ауыстыратын бөлмелеріне кіріп, адамдар қалдырып кеткен құнды заттар мен ақшаны ұрлаған. Жедел іздестіру іс-шараларының нәтижесінде күдікті ұсталды. Ол - 22 жастағы жергілікті тұрғын. Қазіргі уақытта тергеу бөлімі ұсталған азаматтың осыған ұқсас алты эпизодқа қатыстылығын анықтады. Қылмыстық іс ҚР ҚК-нің 188-бабы бойынша тіркелді», – деді Наурызбай аудандық полиция басқармасының бастығы Данияр Меңдебаев.