«Адем» сауда үйіне жарылғыш зат қойылғаны туралы ақпарат тарады.
Алматы қаласында «Адем» сауда үйіне жарылғыш зат қойылғаны туралы хабарламадан кейін ғимараттан адамдар шұғыл эвакуацияланды, деп хабарлайды деп хабарлайды Аlmaty-akshamy.kz қалалық полиция департаментінің баспасөз қызметіне сілтеме жасап.
Бүгін таңғы сағат 09:59 шамасында жедел басқару орталығына «Адем» сауда үйіне жарылғыш зат қойылғаны туралы хабарлама түскен.
«Қаланың жедел және төтенше жағдайлар қызметтері алғашқы ден қою шаралары аясында ғимаратта тексеру жүргізді. Келушілер мен сауда үйінің қызметкерлері эвакуацияланды», - деп хабарлады Алматы қалалық полиция департаментінің ресми өкілі Салтанат Әзірбек.
Белгілі болғанындай, ғимаратты тексеру кезінде жарылыс құрылғылары табылған жоқ.
«Қазір полиция жарылғыш зат қойылғаны туралы жалған хабар таратқан адамды анықтап жатыр. Ол қылмыстық жауапқа тартылады», - деді Салтанат Әзірбек.