Алматының Алатау ауданында салынып жатқан үш қабатты әкімшілік ғимараттан өрт шықты. Қазір оқиға орнында өрт сөндірушілер жұмыс істеп, жалынның таралу қарқынын төмендетті,, – деп хабарлайды aqshamnews.kz тілшісі.
Ведомствоның мәліметінше, өрт Алатау ауданындағы Солтүстік айналма жол бойында болған. Оқиға орнына жеткен құтқарушылар салынып жатқан үш қабатты әкімшілік ғимараттың шатыры жанғанын анықтаған.
Қазіргі уақытта өрттің таралу қарқыны төмендетілген. Өрт аумағы нақтыланып жатыр.
ТЖМ мәліметіне сәйкес, өрт сөндірушілер шатырға жедел көтеріліп, су оқпандарын берген. Сондай-ақ өрт ошақтарын анықтау үшін бензинмен жұмыс істейтін арнайы кескіш құралдар қолданылып, өрт сөндіру автосатылары тартылған.
Оқиға орнында құтқару қызметінің эвакуаторлары да жұмыс істеп жатыр. Олар маңайда тұрған көліктерді қауіпсіз жерге көшіріп жатыр.