Алматыда қылмыстық ахуал тұрақты.
Алматыда қылмыс 34 пайызға азайды. Мұндай мәліметтерді еліміздің ірі шаһарының полицейлері ПД қызметі мен бөлімшелерінің ағымдағы жылдың 6 айындағы жұмысының қорытындысын шығара отырып, келтіріп отыр, деп хабарлайды Almaty-akshamy.kz Polisia.kz-ке сілтеме жасап.
Мына қылмыстардың саны азайды: – аса ауыр қылмыс саны – 2,5 есе; – ауыр қылмыс – 40,1%-ға; – кісі өлтіру – 7,5 есе; – қарақшылық шабуылдар – 2,3 есе; – адам денсаулығына ауыр зиян келтіру – 30,1%-ға, оның ішінде өлімге әкеп соққан деректер – 27,8%-ға; – зорлау – 2,2 есе; – интернет-алаяқтық – 13,6%-ға; – тонау – 11,8%-ға; – бөтеннің мүлкін ұрлау – 44,0%-ға; – бұзақылық – 7,8 есе; – алаяқтық – 16,1%-ға; – мас күйінде жасалған қылмыс саны – 21,0%-ға; қоғамдық орындарда жасалатын құқық бұзушылықтар саны – 6,2%-ға, оның ішінде көшеде жасалған құқық бұзушылықтар 26,5%-ға азайды.