Еліміздің түкпір-түкпірінен арман қуып мегаполиске келген жас талапкерлер үшін ең өзекті мәселенің бірі – баспана. Осы орайда, М.Тынышбаев атындағы ALT университетінің №4 студенттер үйінде жаңа Дағдарыс орталығының ресми ашылуы өтті.
Жастардың әлеуметтік бейімделуіне арналған қолдау алаңы
Бұл бастама Қазақстан Республикасы Ғылым және жоғары білім министрлігінің және Алматы қаласы әкімдігінің қолдауымен жүзеге асырылып отыр. Жаңа орталықтың басты мақсаты – қиын жағдайға тап болған студенттерге уақытша баспана беру, әлеуметтік қолдау көрсету және олардың қауіпсіз ортада білімін жалғастыруына жағдай жасау. Бес қабатты ғимаратта орналасқан орталықта студенттердің тұрмыс-тіршілігіне қажетті барлық жағдай қарастырылған. Әр бөлмеде жеке санитарлық бөлме мен ыңғайлы төсек- орын бар.
Сонымен қатар, медициналық көмек көрсететін пункт, ас әзірлеуге арналған арнайы бөлме және демалыс аймақтары жабдықталған. Мұнда 50 орын дайындалған. Жобаның ерекшелігі – орталық тек уақытша баспана ғана емес, студенттердің әлеуметтік бейімделуіне арналған қолдау алаңы болмақ. Мегаполиске жаңадан келген жастар тұрақты жатақхана немесе пәтер тапқанша осы жерде тұра алады.
ALT университетінің базасында мұндай бастама бұған дейін де жүзеге асқан болатын. Соңғы үш жылда ондаған студент осындай орталық арқылы баспанамен қамтылып, алғашқы күндеріндегі қиындықты еңсерген. Жаңа нысанның ашылуы оның мүмкіндігін кеңейтіп, әлдеқайда көбірек студентке қолдау көрсетуге жол ашады. Дағдарыс орталығының ашылуы – жастарға жасалған нақты қамқорлықтың айқын көрінісі. Бұл бастама олардың үлкен қалаға бейімделуін жеңілдетіп қана қоймай, білімін үзбей жалғастыруына мүмкіндік береді.
• Алматыда студенттерге арналған жаңа Дағдарыс орталығының ашылуы – жастарға деген мемлекеттік қолдаудың тағы бір жарқын қадамы болып отыр.
Ақерке АБЫЛАЙХАН, ҚР Ғылым және жоғары білім министрлігі комитет төрағасының орынбасары:
НАҚТЫ КӨМЕК ҮЛГІСІ
Бүгін ашылып жатқан дағдарыс орталығы – жастарға нақты көмек көрсетудің үлгісі. Сонымен қатар, Алматы қаласында студенттерге орын тапшылығы мәселесі бар екенін де жасырмаймыз. Жалпы Қазақстан бойынша жатақханаға деген сұраныс шешілгенімен, Алматыда тапшылық сақталады деп болжап отырмыз. Мысалы, өткен жылмен салыстырғанда Алматыдағы ЖОО-ларды таңдаған түлектердің саны 1600-ге артқан. Былтыр 44 мың түлек бітірсе, биыл 55 мың түлек тәмамдады. Бұл – студенттер саны жылдан-жылға өсіп келе жатқанын көрсетеді. Сараптамаға сәйкес, Алматыда шамамен 8 мың орын жетіспеуі мүмкін. Бұл дегеніміз, студенттер далада қалады деген сөз емес. Жоғары оқу орындары жекеменшік қонақүйлер мен хостелдармен келісім- шарт жасасып, студенттерді сол жерге орналастырады. Сонымен қатар, жатақханаға бірінші кезекте әлеуметтік осал топтарға жататын жастар (жетім балалар, көпбалалы отбасынан шыққандар, қандастар) және бірінші курс студенттері орналастырылады. Себебі, үлкен қалаға ауылдан келген жастарға ең әуелі қолдау қажет.
Меруерт ЖАРМАҒАНБЕТОВА, Мұхамеджан Тынышбаев атындағы ALT университетінің президент-ректоры:
ТАПТЫРМАС МҮМКІНДІК
Біз үшін студенттердің қауіпсіздігі мен жағдайы – басты назарда. Бұл орталықты үшінші жыл қатарынан ұйымдастырып келеміз. Жаңа оқу жылы қарсаңында еліміздің түкпір- түкпірінен жастар Алматыға келеді. Әсіресе, алғашқы күндері олардың қайда тұратыны ата-аналар үшін де, өздері үшін де үлкен уайым. Орталықтың негізгі міндеті – студенттерді уақытша тегін орналастыру. Олар тәуліктің кез келген уақытында – түнде, таңертең немесе кешкісін келе алады. Бастысы, қиналған сәтте олар жалғыз қалмайды. Бізде шамамен 55 орын қарастырылған. Мұнда Алматыдағы кез келген студент орналаса алады, қай университеттің студент і екен і маңызды емес . Студенттер бұл жерде тұрақты пәтер тапқанша немесе жатақханаға орналасқанша уақытша тұрады.
Әзиз ҚАЖДЕНБЕК, Алматы қаласы Жастар саясаты басқармасының басшысы:
СТУДЕНТТЕРДІ БАСПАНАМЕН ҚАМТУ – ЕРЕКШЕ БАҚЫЛАУДА
Қала әкімі Дархан Амангелдіұлы студенттерді жатақханамен қамту мәселесін ерекше бақылауда ұстап отыр. Жақында министрмен бірге Жол картасына қол қойылды. Ол құжатта Алматыдағы студенттер мәселесін шешуге арналған нақты қадамдар көрсетілген. Біз жыл сайын мониторинг жүргіземіз. 27 маусым күні алғашқы кешенді тексеру өткіздік. Енді жаңа оқу жылы қарсаңында тағы да тексерулер жүргізіледі. Қоғам белсенділері, депутаттар, БАҚ өкілдерімен бірге жатақханалардың жағдайын қарап, студенттерге қаншалықты жағдай жасалғанын
