Алматыда Әл-Фараби атындағы Қазақ ұлттық университетінің бірінші курс студенті ректорат ғимаратының 14-қабатынан секіріп, мерт болды. Қайғылы жағдайды Алматы қаласының полиция департаменті растады, деп хабарлайды Аqshamnews.kz.
Оқиғаға байланысты Алматы қалалық полиция департаменті ресми түсініктеме беріп, тергеу амалдарының басталғанын мәлімдеді.
"Аталған дерек бойынша Бостандық аудандық полиция басқармасы қылмыстық іс қозғады. Қазіргі уақытта оқиғаның мән-жайы анықталып жатыр. Алдын ала мәлімет бойынша, оқиғаға тұрмыстық себептер түрткі болған. Азаматтардан жалған ақпарат таратпауға және тек ресми дереккөздерге сүйенуге шақырамыз", – делінген хабарламада.
Еске салайық, бұған дейін Павлодарлық әйел екі баласын терезеден лақтырып, артынша өзі секіріп кеткен болатын.