Ұлттық ономастика феномені: ел тарихы, жер тағдыры
ҚР Ұлттық кітапханасының Н. Дәулетова атындағы залында А.Байтұрсынұлы атындағы Тіл білімі институтының бас ғылыми қызметкері, филология ғылымдарының докторы, профессор, қазақ ономастикасының негізін салушы Телғожа Сейдінұлы Жанұзақтың 95 жылдық мерейтойына арналған «Ұлттық ономастика феномені: ел тарихы, жер тағдыры» атты тілтанымдық мектеп алаңы аясындағы халықаралық ғылыми-теориялық конференция өтеді, деп хабарлайды Almaty-akshamy.kz.
Шара 8 желтоқсан сағат 10.00-ге жоспарланған. Шара аясында ғалымның тілтанымдық мұрасы, түркітанудағы ономастика ғылымы, ұлттық ономастиканың өзекті мәселелері, қазақ ономастикасының жаңа бағыттары, Ұлттық ономастиканың лингвомәдениеттанымдық және ортологиялық мәселелері бойынша белгілі тілші ғалымдар баяндама жасайды, Телғожа Жанұзақтың ғылыми еңбектерінің көрмесі ұйымдастырылады.
Телғожа Жанұзақ қазақ ономастика ғылымының негізін салған, сонымен қатар тіл білімінің лексикография, терминология, орфография, статлингвистика, аударма мәселелерімен шұғылданған. Ғалым осы уақытқа дейін ономастика ғылымы бойынша монографиялар жазып, мақалалар жариялап келеді.