Биыл қалада 1800-ден астам мопед айыппұл тұрағына қойылған.
Қала жолдарында апатты жағдайды тұрақтандыру мақсатында жол-көлік оқиғаларының алдын алу және болдырмау бойынша бірқатар шаралар атқарылды, деп хабарлайды aqshamnews.kz
Қаладағы жазатайым оқиғалардың көбеюіне мопедтер мен электрсамокаттардың жоғары сұранысқа ие болуы әсер етеді.
Жыл басынан бері мопедтің кесірінен 930 жол-көлік оқиғасы тіркелді, соның салдарынан 953 адам зардап шегіп, 15 адам қаза тапты.
Ал самокаттар 127 ЖКО-на себепші болды. 133 адам зардап шекті, абырой болғанда, қаза тапқандар жоқ. Сондай-ақ жыл басынан бері жол қозғалысы ережесін бұзғаны үшін 31894 мопедист пен 28 мың 762 самокат пайдаланушысы әкімшілік жауапкершілікке тартылды.