Алматы Орталық қалалық клиникалық ауруханасына ескі дұрыс шоғырланбаған қайықтәрізді сүйек буынының сынуы диагнозы қойылған науқас түсті.
Ол осыдан 2,5 ай бұрын Семейде жарақат алған, деп хабарлайды aqshamnews.kz
Шешім іздеп, науқас сынықшыға жүгінген, ол оған қол буынының шығып кетуі деген дұрыс емес диагноз қойып, оны түзету бойынша манипуляция жасаған.
Алайда науқастың жағдайы нашарлай түсіп, ол Орталық қалалық клиникалық аурухананың ортопед-травматологы Дәулет Чукмановтың консультациясына келді.
"Науқас бізге бар шағымдарын айтып келді. Диагноз қойылғаннан кейін қайықтәрізді сүйекке ота жасау қажет екені анықталды. Қайықтәрізді сүйектің шығып кетуі-сынуы өте сирек кездеседі, бірақ бұл жағдайда сөзсіз хирургиялық араласу қажет", - дейді дәрігер.
Науқас жоспарлы түрде ауруханаға жатқызылып, хирургтар тобы күрделі отаға кірісті.
Ота барысында шығып кетуді түзету жүргізілді, сыну орны тазартылды және сүйек пластикасы жасалды. Қалпына келтіру үшін науқастың жамбасынан алынған сүйек үгінділері қолданылды, олар арнайы Герберт бұрандасының көмегімен қайықтәрізді сүйекке бекітілді.
Отадан кейінгі төртінші күні науқас одан әрі амбулаториялық емдеу үшін қанағаттанарлық жағдайда үйге шығарылды.
"Науқастың жағдайы тұрақты, бір айдан кейін ол бақылау тексеруге келеді", — деп қосты Дәулет Чукманов.
Мұндай отаны сәтті орындау хирургтың шеберлігін де, отадан кейінгі мұқият бақылауды да қажет етеді.