Еліміз бойынша өткізіліп жатқан "Есептегі тұлға" жедел алдын алу іс-шарасы басталған уақыттан бері сотталғандар 140 құқық бұзушылыққа жол берген.
Алматы қаласы бойынша ҚАЖД-ға қарасты пробациялық бақылау қызметінің тіркеуінен жыл басынан бері 3 мыңға жуық сотталған өтті, деп хабарлайды aqshamnews.kz.
- Алматы қаласы бойынша 8 пробациялық бақылау қызметі бар. 2 миллионнан астам тұрғыны бар қала республикадағы ең ірі қала болғандықтан сотталғандар саны да аз емес. "Есептегі тұлға" жедел алдын алу іс-шарасы басталған 12 ақпаннан бастап пробациялық бақылауға алынғандар тарапынан пробациялық бақылау талабын бұзған 100 сотталған анықталды. Сондай-ақ әкімшілік құқық бұзушылыққа жол берген 40 сотталған тіркелсе, сотқа 44 материал жіберілді. Оның басым бөлігі бас бостандығын шектеу жазасын бас бостандығынан айыру жазасына ауыстыру туралы материалдар, - дейді пробациялық бақылау қызметінің бастығы Ерлан Есмұратов.
Аталған жедел алдын алу іс-шарасы аясында қала бойынша рецидивтік қылмыстардың алдын алу, құқық бұзушылыққа бейім сотталғандарды қадағалап, оларды тұрақты мекенжайы бойынша тексеру жұмыстары жалғасып жатыр.