Жарнамалық жабдықты заңды түрде орнату үшін арнайы рұқсат алу керек.
Соңғы уақытта қала жолдарында жарнамалық құрылымдары, оның ішінде электронды дисплейі бар көліктер жиілеп кетті, деп хабарлайды aqshamnews.kz Polisia.kz-ке сілтеме жасап.
— Оларды орнату — көлік құралының құрылымын өзгерту, бұл жол қауіпсіздігіне әсер етуі мүмкін екенін еске саламыз. Жарнамалық жабдықты заңды түрде орнату үшін арнайы рұқсат алу керек. Бұл өзгерістердің қауіпсіздік талаптарын бұзбайтынын растау үшін алдын ала техникалық бағалауды қажет етеді. Сонымен қатар жарнама құрылымдары белгіленген стандарттарға сәйкес келуі керек. Олар жүргізушілерге кедергі келтірмеуі, жол қозғалысына қатысушылардың назарын аудармауы немесе жол-көлік оқиғасы кезінде қауіп төндірмеуі керек, - деді Алматы қалалық ПД әкімшілік полиция басқармасының бастығы Асхат Құлбаев.
Құлбаев қолданыстағы заңнама талаптарын бұзғаны үшін ҚР ӘҚБтК-нің 590-бабы 5-бөлімі және 590-бабы 7-бөліміне сәйкес жауапкершілік қарастырылғанын атап өтті.