Алматы қаласы полиция департаментінің қызметкерлері жедел-іздестіру іс-шаралары барысында психотроптық заттарды заңсыз сақтау дерегін анықтады.
Тексеру кезінде оралған күйдегі күмәнді заттар табылып, тәркіленді, - деп хабарлайды Aqshamnews.kz.
Сараптама қорытындысына сәйкес, анықталған заттардың синтетикалық есірткі түріне жататыны белгілі болды. Аталған факті бойынша қолданыстағы заңнама талаптарына сәйкес сотқа дейінгі тергеп-тексеру басталды. Күдікті уақытша ұстау изоляторына қамалды. Қазіргі уақытта барлық қажетті тергеу амалдары жүргізілуде. Алматы қаласы полиция департаментінің есірткі қылмысына қарсы іс-қимыл басқармасының бастығы Мұрат Жұмабаевтың айтуынша, есірткі қылмыстарын анықтау және олардың жолын кесу бағытындағы жұмыстар жүйелі түрде жалғасуда.
– Есірткінің заңсыз айналымына қарсы күрес полиция қызметінің басым бағыттарының бірі болып қала береді. Әсіресе азаматтардың өмірі мен денсаулығына елеулі қауіп төндіретін синтетикалық заттарды анықтау және тәркілеуге ерекше назар аударылады, – деп атап өтті басқарма бастығы.
Жыл басынан бері Алматы қаласы полициясының қызметкерлері заңсыз айналымнан жалпы салмағы 536 келіден астам есірткі затын тәркілеген. Оның ішінде 55 келісі синтетикалық есірткілерді құрайды.