2024 жылғы 5 желтоқсаннан 2025 жылғы 3 қаңтарға дейін Алматы қаласында полиция қызметкерлері мен Төтенше жағдайлар департаментінің өртке қарсы қызмет мамандары бірлесіп «Пиротехника» республикалық жедел-профилактикалық іс-шарасын өткізеді, деп хабарлайды aqshamnews.kz
Іс-шараның мақсаты:
- Пиротехникалық өнімдердің заңсыз айналымына тосқауыл қою;
- Азаматтардың қауіпсіздігін қамтамасыз ету.
Рейдтердің негізгі бағыттары:
- Жабайы сауда орындарын анықтау;
- Пиротехникалық өнімдерді кәмелетке толмағандарға сату фактілерінің алдын алу;
- Балалардың пиротехникалық заттарды қолдануына ерекше назар аудару.
Алматы қалалық полиция департаменті әкімшілік полиция басқармасы бастығының орынбасары Тимур Серікқұл:
– Азаматтарды пиротехникалық заттарды пайдалану кезінде қауіпсіздік ережелерін сақтауға шақырамыз. Жазатайым оқиғаларды болдырмау үшін белгіленген тәртіпке бағыну маңызды. Егер құқық бұзушылықтар туралы ақпарат болса, дереу құқық қорғау органдарына хабарлаңыз, – деді.
Бақылау бағыттары:
- Жеке және заңды тұлғалардың пиротехникалық заттарды сақтау, тасымалдау және сату ережелерінің сақталуын қадағалау.
Ескерту:
- Пиротехникалық өнімдерді елді мекендерде немесе рұқсат етілмеген орындарда пайдалану Қазақстан Республикасының Әкімшілік құқық бұзушылық туралы кодексінің (ҚР ӘҚБК) 436-бабына сәйкес әкімшілік жауапкершілікке әкеледі.
- Азаматтық пиротехникалық заттарды сақтау, есепке алу, пайдалану, тасымалдау немесе жою тәртібін бұзғандар ҚР ӘҚБК-нің 483-бабы бойынша жауапқа тартылады.
- Заңсыз саудалау тәртібін бұзған азаматтарға ҚР ӘҚБК-нің 196-бабына сәйкес шара қолданылады.
Алматы қаласының тұрғындарын қауіпсіздік шараларын сақтауға және заңсыз әрекеттерден аулақ болуға шақырамыз.