Алматыда криминалдық полиция қызметкерлері пәтер тонаумен айналысқан қылмыстық топты құрықтады.
Алматы облысының үш тұрғынының қаладағы пәтер ұрлығының кемінде бес эпизодына қатысы бар екендігі белгілі болды, деп хабарлайды aqshamnews.kz Polisia.kz-ке сілтеме жасап.
Олар соңғы қылмысын пәтерлердің бірінде жасаған, сол кезде пәтер иесі күтпеген жерден келіп қалған. Қаскөйлер оның бетіне бұрыш спрейін шашып, оқиға орнынан қашып кеткен.
- Ұсталғандардың екеуі бөтеннің мүлкін ұрлағаны үшін бұрын қылмыстық жауапкершілікке тартылған. Қазір үшеуі де уақытша ұстау изоляторында отыр. Оларға қатысты тергеу амалдары жүргізіліп, жедел іс-шаралар жалғасуда, - деді Алматы қалалық ПД криминалдық полиция басқармасының бастығы Талант Исаев.
Тәртіп сақшылары ұсталғандардың қаладағы пәтер ұрлығының басқа да оқиғаларына қатысы бар-жоғын тексеріп жатыр.
Ақпарат көзі Polisia.kz сайтында: https://polisia.kz/almatyda-pater-urylarynyng-qylmystyq-toby-ustaldy/