Аса ірі көлемде ақша жымқырған «Kcell Solutions» жауапкершілігі – шектеулі серіктестігінің бұрынғы қаржы директоры 7 жыл мерзімге бас бостандығынан айырылды.
Бұл туралы Қаржылық мониторинг агенттігіне сілтеме жасап хабарлады. Қылмыскер бұдан бөлек 2018 жылдың ақпанынан 2021 жылдың сәуіріне дейінгі аралықта 5 компанияның есеп шотына ақша аудару арқылы қаражат ұрлаған, деп хабарлайды Almaty-akshamy.kz 24.kz-ке сілтеме жасап.
Жедел іздестіру шаралары барысында компанияның бұрынғы қаржы директоры ақшаны Алматыдағы букмекерлік кеңселерде бәс тігіп жұмсағаны анықталды.
«Сот үкімімен азамат Шөкей Қазақстан Республикасы Қылмыстық кодексінің 189 бабы 4-бөлімі 2-тармағы бойынша кінәлі деп танылған. 7 жыл мерзімге бас бостандығынан айыру жазасы тағайындалды. Сондай-ақ ол 10 жыл мерзімге қаржылық жауапкершілікпен байланысты қызметтерді атқару құқығынан айрылды», - дейді ҚР Қаржылық мониторинг агенттігі баспасөз қызметінің өкілі Әлібек Әбділов.