Ағымдағы жылы орташа жөндеу аясында ұзындығы 200 км-ден асатын 230 көшені қамту жоспарлануда.
Бұл мақсатқа қалалық бюджеттен 20 млрд теңге бөлінді. Орташа жөндеу жолдардағы зақымдарды түзету, тозған жоғарғы қабаттарды қалпына келтіру бойынша кешенді жұмыстарды қамтиды, деп хабарлайды Almaty-akshamy.kz.
Жұмыстарды мердігерлік ұйымдарды анықтау бойынша конкурстық рәсімдер аяқталғаннан кейін бастау жоспарлануда. Магистральдық көшелерді орташа жөндеуді 27 тамызға дейін аяқтау жоспарлануда, ал аудандық маңызы бар көшелер 30 қазанға дейін жөнделеді. Жұмыс басталар алдында әр көше бойынша жұмыстарды жүргізудің жоспарланған мерзімдері бар тізімдер жарияланатын болады.
Еске салсақ, ұсақ зақымдардың алдын алуды және шұғыл түзетуді көздейтін ағымдағы жөндеу жұмыстары аясында Алматыда шұңқырларды бітеу, люктерді көтеру, жарықтарды жабу және басқа да жұмыс түрлері жүргізілетін болады. Осы мақсатқа қалалық бюджеттен 2,8 млрд теңге бөлінді. Ағымдағы жөндеумен 350 мың шаршы метрден астам аумақты қамту жоспарлануда, сондай-ақ 30 км тротуар мен 40 аялдама кешені жөнделеді.
Жөнделетін көшелер тізімімен төмендегі сілтеме арқылы таныса аласыздар.