Іс-шараны Алматы қаласы Ішкі саясат басқармасының Қоғамдық даму орталығы ұйымдастырды, – деп хабарлайды aqshamnews.kz тілшісі.
Республикалық «Таза Қазақстан» экологиялық бастамасы аясында Алматы қаласындағы «Zhuldyz Flowers Garden» бөлме өсімдіктері павильонында жоғары оқу орындары мен колледж оқытушыларына арналған бөлме өсімдіктерін отырғызу бойынша шеберлік сағаты өтті.
Қатысушылар бөлме өсімдіктерін отырғызу және күтіп-баптаудың негізгі қағидаларымен танысып, алған білімдерін тәжірибе жүзінде қолданды.
Теориялық бөлім барысында өсімдіктерді өсіру мен күтіп-баптаудың ерекшеліктері, сондай-ақ білім беру ортасын жайлы әрі қолайлы ету үшін көгалдандырудың маңызы туралы ақпарат берілді.
Практикалық бөлімде өсімдіктерді дұрыс отырғызу кезеңдеріне ерекше назар аударылды. Қатысушылар алған білімдерін іс жүзінде қолданып, өсімдіктерді өз қолдарымен отырғызды.
Сонымен қатар жастар арасында экологиялық мәдениетті қалыптастырудағы оқытушылардың рөліне ерекше мән берілді. Қоршаған ортаға жауапкершілікпен қарау және экологиялық әдеттерді қалыптастыру күнделікті өмірдегі қарапайым әрі пайдалы әрекеттерден басталады.
Осындай іс-шаралар білім беру саласы өкілдерінің экологиялық мәдениетін арттыруға және «Таза Қазақстан» бастамасын іс жүзінде жүзеге асыруға ықпал етеді.