Алматы онкологиялық орталығы медбикелерді халықаралық стандарт бойынша мамандандыру бағдарламасын сәтті аяқтады, деп хабарлайды almaty-akshamy.kz
Аталған онкологиялық медбике ісінің негізіне және онкологиялық бөлімшелердегі медбикелердің рөліне негізделген бағдарлама медбике білімін, дағдыларын, мүмкіндігін арттыруға және олардың дәрігерлермен серіктестігін нығайтуға арналған.
Израильден келген тәжірибелі оқытушылар Элла Муллер мен Зоар Авив жүргізген медбикелерге арналған бағдарлама 10 жұмыс күніне созылды.
Оқыту барысында қатысушылар фронтальды лекция, топтық жұмыс, дискуссия мен симуляцияны меңгерді. Сонымен қатар, онкологиялық орталыққа бару және оқытушылардан шеберлік сабақтар ұйымдастырылды.
Бағдарламаға қатысқан әрбір тыңдаушы онкологиялық науқастарға көмек көрсету сапасын жақсарту және медбикелердің мәртебесін жақсарту үшін жұмыс орнында өзгерістер енгізу жоспарын жасады.
Бағдарлама заманауи денсаулық сақтау жүйесі мен медбике ісіндегі жаһандық трендтерден бастап, онкологиядағы этика және тағамтану ғылымының аспектілерін, сондай-ақ дәрігерлермен тиімді серіктестікке арналған тренингке дейінгі кең ауқымды тақырыптарды қамтыды.
«Бұл бағдарлама онкология саласындағы медбике ісін дамытудағы маңызды қадам», - деп атап өтті Алматы онкологиялық орталығының директоры. - Қатысушылар алған білім мен дағдылар пациенттерімізге одан да жақсырақ көмек көрсетуге көмектесетініне сенімдіміз».
Бағдарлама қатысушыларға онкологиялық науқастарды күту тәжірибесін жақсарту үшін жаңа білім мен құралдарды беріп, бағалаумен аяқталды.
"Спикерлердің баяндамалары өте қызықты және танымдық болды. Ал олар пайдаланған көрнекі заттар онкологиялық науқастарға медбикелік көмек көрсету кезінде қолдануға болатын әрбір әдісті ашып, нақты көрсетті. Барлық ақпарат өте пайдалы болды, бұның бәрі жұмыс үшін өте қажет. Практикалық жаттығулардың болғаны да жақсы. Өмірден алынған мысалдар көп болды. Барлығы өте қолжетімді, қарапайым әрі түсінікті», - деп бөлісті АОО бас медбикесі Гүлмира Тұрсынова.