Сотқа дейінгі тергеу басталды.
Қаланың «Спутник» тұрғын үй кешенінде өлі табылған әйел мен екі балаға қатысты кісі өлтіру дерегі бойынша іс қозғалды, деп хабарлайды Almaty-akshamy.kz
«Әйел мен оның екі баласының денесі 6 тамыз күні қаладағы тұрғын үй кешендерінің бірінен табылды. Екі бүлдіршіннің мәйітінде зорлық-зомбылық ізі болған. Полиция департаменті кісі өлтіру дерегі бойынша сотқа дейінгі тергеуді бастады. Тиісті сараптамалық зерттеулер тағайындалды. Сондай-ақ, видеоматериалдар зерттеліп, куәгерлерден жауап алынып жатыр. Алматы қалалық прокуратурасы қылмыстық істі ерекше бақылауына алды», - деп хабарлады қалалық прокуратурадан.
6 тамыз күні «Мамыр» шағынауданындағы пәтерлердің бірінен 34 жастағы әйел мен оның 2015 жылғы және 2020 жылы туған балаларының денесі табылған.