Күдікті интернет ресурстарын пайдаланған
Алматы полициясы несие алаяғын ұстады, деп хабарлайды Almaty-akshamy.kz қалалық ПД-не сілтеме жасап.
22 жастағы жігіт «іскер» болып шықты.
«Тергеу барысында күдіктінің интернет-ресурстарды пайдалана отырып, әртүрлі сомада тауарлық несиелер рәсімдегені анықталды. Қазіргі уақытта ол жасаған алаяқтықтың 10 эпизоды дәлелденді. Бұрындары жігіттің заңмен қиындығы болған жоқ. Бұл оның «өзін-өзі жұмыспен қамтудағы» және алдау жоспарын жүзеге асырудағы алғашқы қадамдары. Қылмыстық заңнамада бұл қылмыс үшін үш жылдан жеті жылға дейін бас бостандығынан айыру түріндегі жаза қарастырылған», – деді Әуезов аудандық Полиция басқармасының бастығы Ұлан Әбілхайыр.
ҚР ҚПК-нің 128 бабына сәйкес, ҚР ҚК-нің 190-бабы 3-бөлігінің 4-тармағында (Бірнеше рет жасалған алаяқтық) көзделген қылмыстық құқық бұзушылықты жасады деген күдікпен, 1999 жылы туған Ж.есімді азамат ұсталды. Күдіктіге қатысты ауданаралық тергеу соты «қамауда ұстау» түріндегі бұлтартпау шарасын таңдады.