Алматы қаласы Жастар саясатын дамыту мемлекеттік қоры, қалалық ПД-нің есірткі қылмысына қарсы іс-қимыл басқармасымен бірлесіп, қалалық «Narkostop» есірткіге қарсы акциясын бастады, деп хабарлайды almaty-akshamy.kz
«Narkostop» халықтың есірткіге қарсы иммунитетін қалыптастыруға және нашақорлықтың алдын алуға бағытталған жалпықалалық іс-шара.
Акцияның мақсаты – нашақорлыққа қарсы, қоғамға кеңес беру форматында әлеуметтік іс-шаралар өткізу, есірткі тарату туралы жарнамалық жазулардан ғимарат қабырғаларын тазартып, жасөспірімдер мен жастарды қоғамдық белсенділікке тарту. Акция аясында тұрғын үйлер, гараждар, кеңсе ғимараттар қабырғаларындағы есірткі таратуды насихаттайтын және түрлі сайттар жазылған трафарет пен граффиттер сырланып жойылды.
Сондай-ақ, тұрғындарға есірткі қылмыстары, ағзаға зияндылығы туралы және салауатты өмір салтын насихаттайтын ақпараттық парақшалар таратып, түсіндірме жұмыстары жүргізілді.
Акция Алматы қаласының барлық 8 ауданында кең көлемінде өтіп жатыр.