Алматыда маньяктың пайда болуы туралы тараған ақпаратқа полиция түсініктеме берді, деп хабарлайды aqshamnews.kz
Кеше мессенджерлерде Алматы қаласының Жұлдыз-1 ықшамауданында белгісіз ер адамның балаларды қуып, ұрламақшы болып жүргені туралы ақпарат тарады. Хабарламада "маньяктың" бір әйелді ұрып-соққаны айтылды.
Алматы қаласының Полиция департаменті бұл жағдайға қатысты түсініктеме берді.
"Әйелге дене жарақатын салу фактісі бойынша қылмыстық іс қозғалды. Күдіктіні ұстау шаралары қабылдануда. Сонымен қатар, балаларға "аңшы" маньяк туралы ақпарат шындыққа сәйкес келмейтінін хабарлаймыз", - деп мәлімдеді полиция департаменті өкілдері.