Алматы қаласының Сыбайлас жемқорлыққа қарсы қызметі мен қала әкімдігінің ұйымдастыруымен дизайнерлер арасында жемқорлыққа қарсы тақырыпта билбордтар байқауы басталды.
Байқаудың бастамашылары дизайнер-суретшілерге үлкен шығармашылық еркіндік береді және олардан сыбайлас жемқорлыққа қарсы сипаттағы ақпаратты кең аудиторияға жеткізу үшін жаңа көзқарастар мен ерекше тәсілдер күтеді.
Сыбайлас жемқорлыққа қарсы билбордтар - сыбайлас жемқорлық проблемасына жұртшылықтың назарын аудару және азаматтардың сыбайлас жемқорлыққа қарсы дүниетанымын нығайту бойынша жеткілікті тиімді құрал.
Қатысушылар әр түрлі сурет салу техникасында, сондай-ақ графикалық редакторларда көркем және шығармашылық жұмыстарды ұсына алады.
Жұмыстарды қабылдау 2023 жылғы 5 қазаннан 5 қарашаға дейінгі мерзімде, эскизді almatyanticorruption@mail.ru электрондық поштасына жолдай отырып жүзеге асырылады.
Байқау жеңімпаздарын бағалы естелік сыйлықтар күтеді.
Дәстүр бойынша конкурстың қорытындысын шығаруды Халықаралық сыбайлас жемқорлыққа қарсы күрес күніне - 9 желтоқсанға орайластыру жоспарлануда.