18 қабатты үйдің тұрғындары эвакуацияланды.
Алматыда көп қабатты үйлердің бірінен өрт шығып, тұрғындар эвакуацияланды, деп хабарлайды Аlmaty-akshamy.kz Төтенше жағдайлар депаратаментінің баспасөз өызметіне сілтеме жасап.
3 қаңтар күні сағат 10:13 кезінде «101» пультіне Брусиловский көшесі, 167 үйден өрт шыққаны туралы хабар келіп түсті.
«Өрт сөндіру бригадасы 18 қабатты үйдің 4-ші қабатындағы екi бөлмелі пәтердің ас бөлмесін және тағы бір бөлмені 30 шаршы метр аумақта от шарпығанын анықтады. Қабылданған шаралармен өрттің таралуы 10:44-те тоқтатылып, 10:59-да жойылды. Жалынның 5-ші қабатқа таралуына жол берілмеді. Зардап шеккендер жоқ. Оқиға себебі анықталуда», - делінген ТЖД хабарламасында.
Өртті сөндіруге 43 маман мен 11 бірлік техника жұмылдырылды. Газ-түтіннен қорғау қызметінің топтары 75 тұрғынды, оның ішінде 25 баланы, қауіпсіз орынға эвакуациялады. Эвакуацияланған тұрғындарды жылыту үшін арнайы автобус бөлінді.