Тариф көтерілуі мүмкін
Алматыны жылу және электрмен қамтып отырған орталықтардың құрал-жабдығы 78%-ке тозған. Бұл туралы «АлЭС» компаниясының өкілдері мәлімдеді, деп хабарлайды Almaty-akshamy.kz «Хабар 24» телеарнасына сілтеме жасап.
Кейбір орталықтың салынғанына 60 жылдан асқан. Осы күнге дейін бар болғаны 20 құрылғы жаңартылыпты. Жарты ғасырдан аса жұмыс істеп тұрған қазандықтарды жаңалап, электр желілерін ауыстыру қомақты қаражатты талап етеді. Мамандардың айтуынша, Алматы өңірін жарықпен қамтамасыз ететін электр желілері де жөндеу көрмеген.
«Тариф көтерілуі мүмкін, тариф көтерілмейді деп айта алмаймыз қазіргі таңда. Өйткені, өздеріңіз көріп тұрсыздар, 60-жылдары шыққан электр қондырғылары өзінің эксплуатациялық ресурстары бітіп жатыр. Оған қосымша бөлшектер шықпайды», - дейді «Алатау жарық компаниясы» АҚ бас инженері Жақсылық Сағынбеков.