Алматыда үлестік құрылыс саласында алаяқтық жасаған құрылыс компаниясының басшылары ұсталды, деп хабарлайды aqshamnews.kz
Прокуратураның мәліметінше, компания үш тұрғызылмаған тұрғын үй кешеніндегі пәтерлерді сату сылтауымен азаматтардың қаражатын жымқырған.
2022-2023 жылдары аралығында рұқсат құжаттары мен ДДУ (үлестік қатысу туралы келісім) болмағанына қарамастан, құрылыс компаниясы азаматтарға пәтерлерді сатамыз деп уәде беріп, 2,5 млрд теңгеден астам қаражатты жымқырған.
Зардап шеккендер саны - 312 адам. Қазіргі таңда компанияның төрт басшысы қамауға алынып, іс сотқа жолданды.