Бір адам мерт болып, екі адам жарақат алған.
Сүйінбай даңғылы мен Бекмаханов көшесінің қиылысында бірнеше автокөлік соғысып, ірі жол-көлік апаты болды, деп хабарлайды Almaty-akshamy.kz
Volkswagen Golf көлігі Бекмаханов көшесімен батыс бағытқа бет алған, ал ZAZ Chance және Chevrolet Ravon көліктері оған қарсы бағытта келе жатқан. Сүйінбай даңғылының қиылысындағы үш көлікке Hyundai Elantra көлігі жоғары жылдамдықпен келіп соққан.
Қатты соққыдан Chevrolet көлігіндегі жолаушы тротуарға ұшып кеткен. Әуежайға бет алған жас жігіт алған оқиға орнында көз жұмды. Ал жүргізуші ауруханаға жеткізілді.
ZAZ Chance көлігінде өрт шыққан. Жалынды өтіп бара жатқан жүргізушілер сөндірді.
Hyundai көлігі жол жиегіндегі арыққа шығып кеткен. Көліктегі жолаушы ауруханаға жеткізілді, жүргізушіні сол жерге келген полицейлер ұстап алып, медициналық тексеруге алып кетті. Куәгерлердің айтуынша, ол ішімдік ішіп алған.
Оқиға орнында жол полициясының қызметкерлері ЖКО-ның барлық мән-жайын анықтауда.