Экспозиция халықаралық бағыттармен қатар, Қазақстанның ішкі туризм әлеуетін де кеңінен қамтиды, – деп хабарлайды aqshamnews.kz тілшісі.
Алматыда өңірдің іскерлік және оқиғалық туризм орталығы ретіндегі беделін айқындай түскен 24-ші Қазақстан халықаралық туристік көрмесі – KITF 2026 өтіп жатыр.
Көрме 24 елден келген 400-ден астам компанияның басын қосты. Көрме алаңында ұлттық және өңірлік экспозициялармен қатар, туризм индустриясының жетекші өкілдері – туроператорлар, әуе тасымалдаушылары, қонақ үй кешендері, онлайн-платформалар мен технологиялық компаниялар өнімі мен қызметін ұсынған. Экспозиция халықаралық бағыттармен қатар, Қазақстанның ішкі туризм әлеуетін де кеңінен қамтиды.
24 сәуір – көрменің соңғы күні
Іскерлік бағдарлама аясында KITF Tourism Innovation Day конференциясы өтеді. Онда туризмді дамытудың негізгі трендтері, соның ішінде цифрландыру, туристердің мінез-құлқы, мемлекеттік саясат және халықаралық ынтымақтастық мәселелері талқыланады.
Бағдарлама аясында:
— сараптамалық және стратегиялық бағыттағы сессиялар
— мемлекеттік органдар мен халықаралық ұйымдар өкілдері қатысатын панельдік пікірталастар
— тұрақты және шытырман оқиғалы туризм мәселелері
— туристік бағыттарды маркетингтеу
Басталатын уақыты: 10:00
📍 Өтетін орны: Алматы қаласы, «Атакент» көрме орталығы, 10-павильон